عابدِ کبریا امامِ حُسین
عابدِ کبریا امامِ حُسین
عابدِ کبریا امامِ حُسین
زاہدِ بے رِیا امامِ ُحسین
گلِ ُگلزارِ سیدِ عالم
مَہ َجبیں خوش لقا امامِ ُحسین
حضرتِ فاطمہ کے نورِ نظر
دینِ حق کی ضیا امامِ ُحسین
قرۃُ العینِ حضرتِ حیدر
سیدِ اَولیا امامِ ُحسین
سبطِ اَکبر کے راحتِ دِل و جاں
قوتِ مجتبیٰ امامِ ُحسین
دِین کے پیشوا امامِ ُحسین
رہنما مقتدا امامِ ُحسین
جملہ اَصحاب کے قرارِ دِل
وارثِ اَنبیا امامِ ُحسین
جاں نثارانِ دِین کے َسرخیل
ہادی و پیشوا امامِ ُحسین
وہ شہادت کو ناز ہو جن پر
اہلِ صبر و رضا امامِ ُحسین
صاحبِ عدل و داد و حلم و کرم
تاجِ اہلِ سخا امامِ ُحسین
حامیِ دین ناصرِ ِملت
دینِ حق پر ِفدا امامِ ُحسین
کربلا کی زمیں پہ خوں سے لکھا
تم نے نامِ وَفا امامِ ُحسین
تم نے دِکھلا دیا زمانے کو
نقشِ ِصدق و صفا امامِ ُحسین
دُھوم عالم میں ہے شجاعت کی
کام ایسا کیا امامِ ُحسین
کیسے کیسے ستم ہوئے تم پر
عاشقِ کبریا امامِ ُحسین
راہِ حق میں کٹایا سب ُکنبہ
مرحبا مرحبا امامِ ُحسین
تین دن تک پیاس میں تڑپا
تیرا سب قافلہ امامِ ُحسین
نونہال اپنے تم نے نذر کیے
فخرِ صبر و رضا امامِ ُحسین
فوج ظالم کی رو سیاہ ہوئی
کرکے ظلم و جفا امامِ ُحسین
تیری صولت سے ترے اَعدا میں
تہلکہ پڑ گیا امامِ ُحسین
تیری تلوار کا جہاں میں ہے
آج تک غلغلہ امامِ ُحسین
کاٹے ہر وار میں پرے کے پرے
رو دیئے اَشقیا امامِ ُحسین
جلوہ اَفروز کربلا میں ہوئے
سیدِ اَنبیا امامِ ُحسین
آپ کو دائمی حیات ملی
اے امامِ ہدیٰ امامِ ُحسین
سب جہاں میں تمہارا قبضہ ہوا
فاتحِ کربلا امامِ ُحسین
ساری خلقت میں ہوگئے رُسوا
تیرے اَعدا شہا امامِ ُحسین
سارے عالم کے مومنوں کے لیے
رب سے کیجے دُعا امامِ حُسین
آپ سے رکھتے ہیں اُمیدِ کرم
رَنج کے مبتلا امامِ ُحسین
اس نعیمِؔ ُگناہگار پہ لطف
اے شہِ اَصفیا امامِ ُحسین