اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

ہو چشمِ کرم جلنے لگا ہجر میں سینہ

کملی میں چھپا لیجیے سرکارِ مدینہ

حسنین کے صدقے میں کرم کیجیے مجھ پر

جھولی مری بھر دیجیے سرکارِ مدینہ

ہے چاند ستاروں میں محمد کی تجلی

پھولوں میں مہکتا ہے محمد کا پسینہ

یا سیدِ عالم! کوئی رحمت کی نظر ہو

بگڑا ہے نبی جی! مری ہستی کا قرینہ

آنکھوں میں سمائے ہیں فناؔ حسن کے جلوے

جس دن سے تصور میں ہے تصویرِ مدینہ