اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

بزمِ میلادِ نبیﷺ ہے، ہر مسلمان شاد ہے

آمنہ کے لال پیارے مصطفیﷺ کی یاد ہے

آنکھ میں روضہ، زباں پر نام، دل میں یاد ہے

آئے آقا! یہ گھر اب ہر طرح آباد ہے

آپ ہی کی ذات سے ذاتِ خدا کا ہے ظہور

آپ ہی کے نام سے نامِ خدا کی یاد ہے

سر وہی سر ہے کہ جس سر میں ہے تیرا خیال

دل وہی دل ہے کہ جس دل میں تمہاری یاد ہے

اب مدد فرمائیے اے فاتحِ بدر و حنین

نام لیوا آپ کا دنیا میں پھر برباد ہے

نزع ہو، یا قبر ہو، میزان ہو یا پُل صراط

ہر جگہ اے ماہِ طیبہ! آپ سے فریاد ہے

کل جہاں دشمن بھی ہو جائے تو خوش تر غم نہیں

امن دینے والے آقا کی اگر امداد ہے