اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

شمس الضحیٰ محمد بدرالدجیٰ محمد

نور الہدیٰ محمد کہف الوریٰ محمد

شان خدا محمد نام خدا محمد

اعلی العلی محمد صلے علیٰ محمد

نور محمدی سے آباد ہیں دو عالم

ہے جلوہ زا محمد جلوہ نما محمد

ہر ابتدا سے اول ہر انتہا سے آخر

ہر ابتدا محمد ہر انتہا محمد

دل کا معاملہ ہے ہر رنگ میں انہیں سے

ہر شان دل ربا میں ہے دل ربا محمد

رنگینیاں ہیں تیری پروردگار گلشن

ہر خار و گل کو تجھ سے نشو و نما محمدؐ

اللہ سے یہ باتیں پردے میں ہو رہی ہیں

ورد زبان دل ہے ہر لحظہ یا محمدؐ