اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

جاں پر بن گئی اب آئیے شیٔا للہ

مشکل آساں مری فرمائیے شیٔا للہ

کشتیاں ڈوبی ہوئی آپ نے تیرائی ہیں

میری امداد بھی فرمائیے شیٔا للہ

آپ کا طالب دیدار ہوں غوث الثقلین

روئے زیبا مجھے دکھلائیے شیٔا للہ

اپنے دادا اسداللہ کے قدموں کا طفیل

دستگیری مری فرمائیے شیٔا للہ

ہند میں بے سر و ساماں رہے کب تک بیدمؔ

اس کو بغداد میں بلوایئے شیٔا للہ