اَلصَّلٰوۃُ وَالسَّلاَمُ عَلَیْکَ یَا رَسُوْلَ اللّٰہ وَعَلٰی اٰلِکَ وَ اَصْحٰبِکَ یَا حَبِیْبَ اللّٰہ

روشن جہاں میں ہر جا پاتا ہوں نور تیرا

ہر شئے میں دیکھتا ہوں پیارا ظہور تیرا

از ماہ تا بماہی تیری ہی بادشاہی

دکھلا رہا ہے کیا کیا عالم ظہور تیرا

گلشن میں چپکے چپکے لیتے ہیں نام غنچے

اور بلبلوں میں دیکھا ہر سمت شور تیرا

منصور کا یہ منہ تھا جو وہ کہتا انا الحق

برپا کیا ہوا تھا سارا فتور تیرا

بیدمؔ کی آرزو ہے ہر دم یہ جستجو ہے

مل جائے کاش تیرا اس کو قرب حضور تیرا