Skip to main content
نعت

گئے لامکاں کو چمکتے چمکتے

By August 28, 2021No Comments

چمکتے چمکتے

گئے لامکاں کو چمکتے چمکتے
ہوئی واپسی پھر دمکتے دمکتے
صبا لائی شاید مدینے کی خوشبو
میری سانس چل دی اٹکتے اٹکتے
مجھے پھر بلایا نبیﷺ نے مدینے
میں چلتا گیا دل دھڑکتے دھڑکتے
جو تکتا رہا چہرۂ مصطفیﷺ کو
ہوئی دید پلکیں جھپکتے جھپکتے
نبیﷺ نے نگاہِ کرم ایسی ڈالی
گُنَہ جل گئے سب سلگتے سلگتے
نزع میں رخِ مصطفیٰﷺ کو جو دیکھا
میری روح چلدی مہکتے مہکتے
مجھے روزِ محشر پکارا نبیﷺ نے
قرار آگیا پھر مچلتے مچلتے
نبیﷺ کی شفاعت ہی بس کام آئی
میں جنت میں پہنچا لہکتے لہکتے
گناہوں میں ڈوبا تھا حافؔظ تمہارا
تمہیں دیکھا، ابھرا، سنبھلتے سنبھلتے
۱۲ رجب المرجب ۱۴۳۶؁ھ ۲ مئی ۲۰۱۵؁ء نزیل ماریشس