Skip to main content
نعت

وجہ تخلیقِ دو عالم

By August 13, 2021No Comments

وجہِ تخلیقِ دو عالمﷺ، عالم آرا ہو گیا
آج دنیا کو غمِ دنیا گوارا ہو گیا


ڈوبنے والے نے اُن کا نامِ نامی جب لیا
موج ساحل بن گئی طوفاں کنارا ہو گیا


اللہ اللہ نشۂ صہبائے الفت کا سُرور
دل کی آنکھیں کُھل گئیں اُن کا نظارا ہو گیا


مرحبا اے وسعتِ ذ یلِ خطا پوشِ نبیﷺ
عاصیوں کو منہ چھپانے کا سہارا ہو گیا


شوق سے مجھ کو فرشتے لے چلیں سوئے جحیم
میں نہ بولوں گا اگر اُن کو گوارا ہو گیا


بس ابھی ہوتے ہیں طے یہ نیک و بد کے مرحلے
آپﷺ یہ فرما تو دیں تحسیؔں ہمارا ہو گیا

Leave a Reply