Skip to main content
نعت

مقصودِ زندگی ہے اطاعت رسولﷺکی

By August 12, 2021No Comments

مقصودِ زندگی ہے اِطاعت رسول کی

معراج ِ بندگی ہے محبت رسول کی

کو تاہی عمل کا مجھے خاص غم نہیں

کافی ہے میرے واسطے نسبت رسول کی

اُن کے کرم کی شان کسی میں کہیں نہیں

مُجرم کو ڈھونڈتی ہے شفاعت رسول کی

ہر آڑےوقت رحمت عالم کو یاد کر

تجھ سے بہت قریب ہے رحمت رسول کی

ایمان و آگہی جسے کہتا ہے یہ جہاں

اُلفت رسول کی ہے وہ اُلفت رسول کی

ارشادِ دمَن ْ رَانِی سے ثابت ہوا یہ راز

دیدار ہے خدا کا زیارت رسول کی

مختارِ کائنات کوئی اور تو نہیں

دنیا رسول کی ہے تو جنت رسول کی

سر پر رکھے وہ تاجِ شفاعت جب آئیں گے

دیکھیں گے شان روز ِ قیامت رسول کی

خاؔلد جو موت آئے تو آئےکچھ اس طرح

پیشِ نظر رہے مرے صورت ِ رسول کی

Leave a Reply