Skip to main content
نعت

درِ احمد پہ اب میری جبیں ہے

By September 8, 2021No Comments

درِ احمد پہ اب میری جبیں ہے

مجھے کچھ فکر دو عالم نہیں ہے

مجھے کل اپنی بخشش کا یقیں ہے

کہ الفت ان کی دل میں جاگزیں ہے

بہاریں یوں تو جنت میں ہیں لاکھوں

بہارِ دشت طیبہ پر کہیں ہے

میں وصفِ ماہِ طیبہ کر رہا ہوں

بلا سے گر کوئی چیں بر جبیں ہے

عبث جاتا ہے تو غیروں کی جانب

کہ بابِ رحمت رحماں یہیں ہے

گنہگارو! نہ گھبرائو کہ اپنی

شفاعت کو شفیع المذنبیں ہے

فریبِ نفس میں ہمدم نہ آنا

بچے رہنا یہ مارِ آستیں ہے

دلِ بیتاب سے اخترؔ یہ کہہ دو

سنبھل جائے مدینہ اب قریں ہے

Leave a Reply