Skip to main content
نعت

کوئی جا کر یہ کہہ دے روضۂ محبوبِ سبحاںﷺ پر

By August 20, 2021No Comments

کوئی جا کر یہ کہہ دے روضۂ محبوبِ سبحاںﷺ پر
تَرحَّم یانبیﷺ اللہ کسی بیمار ہجراں پر


جھکے پڑتے ہیں گیسوئے معنبر روئے قرآں پر
گھٹائیں رحمتوں کی چھا رہی ہیں صحنِ بُستاں پر


میں مٹ مٹ کر بہاریں لوٹتا ہوں زندگانی کی
تڑپتا ہے مرا لاشہ زمین کوئے جاناں پر


دل مضطر تری دیوانگی میں آگ لگ جائے
قدم رکھ کر کہیں چلتے ہیں خاکِ کوئے جاناں پر


ہوئی دامانِ رحمت میں مری تردامنی پنہاں
گریں چشمِ ندامت سے جہاں دو بوند داماں پر


بال آخر جذبۂ صادق اثر لایا خلیؔل اپنا
کہ طیبہ آگیا لاشہ مرا دوشِ عزیزاں پر

Was this article helpful?
YesNo