Skip to main content
نعت

اللہ رے وہ حسین پیکر

By August 25, 2021No Comments

سراپائے مبارک

اللہ رے وہ حسین پیکر
جس پہ ہو نثار ماہِ انور
کیا نورِ نگاہِ آمنہ کا
بے مثل ہے دلنشیں سراپا
رعنائیاں خلد کی سمٹ کر
انساں کی ہیں شکل میں زمیں پر
یہ منظر گلستانِ قدرت
ہے پیشِ نظر بشر کی صورت
ہے شکلِ بشر، سوا بشر سے
انسان، مگر جُدا بشر سے
واللہ ہے کیا حسیں سراپا
ہے ظلِّ خدا حسیں سراپا
صورت گرِ دوجہاں کا مظہر
ہے ذاتِ عیاں نہاں کا مظہر

Was this article helpful?
YesNo