Skip to main content
نعت

آیا ہوں بن کے سائل سلطانِ دوجہاںﷺ

By January 1, 2022September 9th, 2022No Comments

آیا ہوں بن کے سائل سلطانِ دوجہاںﷺ
رحمت ہو پھر سے مائل سلطانِ دوجہاںﷺ

عز و وقار دے دو اسلام و مسلمیں کو
مٹ جائیں سارے باطل سلطانِ دوجہاںﷺ

بے کس ہوں ناتوں ہوں ، در پر میں آگیا ہوں
مومن بنا دو کامل سلطانِ دوجہاںﷺ

موجوں میں رنج و غم کے کشتی میری پھنسی ہے
مجھ کو عطا ہو ساحل سلطانِ دوجہاںﷺ

اپنی وِلا میں مجھ کو ایسا گُما دو آقاﷺ
خود سے رہوں میں غافل سلطانِ دوجہاںﷺ

دنیا کے شر سے مجھ کو بہرِ خدا بچالو
دامن میں کر لو داخل سلطانِ دوجہاںﷺ

بن کے گدا ہوں حاضر نظرِ کرم ہو ناظر
دیدار اب ہو حاصل سلطانِ دوجہاںﷺ

جملہ مبلغیں کو خیراتِ علم دے دو
سنت کے سب ہوں عامل سلطانِ دوجہاںﷺ

تحریک سُنی دعوت٘ اسلامی کو ہمیشہ
نظروں میں کرلو شامل سلطانِ دوجہاںﷺ

شیخین کا تصدق علمِ لدُنی دے دو
خشیت ہو رب کی حاصل سلطانِ دوجہاںﷺ

در پہ بلاتے رہنا ، بگڑی بناتے رہنا
عزت رہے یہ حاصل سلطانِ دوجہاںﷺ

گِریاں ہے قلبِ شاکؔر کردو کرم بھی وافر
اپنوں میں کرلو شامل سلطانِ دوجہاںﷺ

کلام:
مولانا محمد شاکر علی رضوی نوری