Skip to main content
نعت

آپ آئے تو تاریکیاں چھٹ گئیں، روشنی ہوگئی

By October 18, 2021No Comments

روزِ جمعہ کی ایک اور سعادت :
صلی اللّٰہ تعالیٰ علیہ وآلہٖ وصحبہ وبارک وسلم

آپ آئے تو تاریکیاں چھٹ گئیں، روشنی ہوگئی
ظلم اور جبر کی بیڑیاں کٹ گئیں، آشتی ہوگئی

آپ آئے تو بادِ بہاری چلی، گل مہکنے لگے
خوشبوؤں سے سبھی بستیاں اٹ گئیں، تازگی ہوگئی

سارا عالم تھا ڈوبا ہوا کفر میں، آگئے مصطفیٰ
شرک و بدعت کی طغیانیاں گھٹ گئیں، راستی ہوگئی

کالے گورے کی تفریق بھی ختم کیں، متحد پھر کیا
دوریوں کی سبھی کھائیاں پٹ گئیں، دوستی ہوگئی

جھوم کر خوب برسا ہے ابرِ کرم، لطفِ شاہِ امم
خوانِ سرور سےجب نیکیاں بٹ گئیں، بہتری ہوگئی

اُن کی باتوں نے سب پر مشاہد کیا، خوب گہرا اثر
جن کے لہجوں میں تھیں تلخیاں ہٹ گئیں، چاشنی ہوگئی

عرض نمودہ : محمد حسین مشاہد رضوی
8 ربیع الاول 1443ھ
15 اکتوبر 2021ء بعد نمازِ جمعہ