Skip to main content
نعت

آپﷺ کی آقا شان نِرالی ہر ساعت ہے عالی عالی

By August 28, 2021No Comments

عالی عالی

آپﷺ کی آقا شان نِرالی ہر ساعت ہے عالی عالی
آپﷺ کی مدحت گوشہ گوشہ پتّہ پتّہ ڈالی ڈالی
آپﷺ سے پہلے تھا جو اندھیرا ہر سُو عالم نفرت جیسا
آپﷺ کا روشن چہرہ چمکا بھاگی بدلی کالی کالی
آپﷺ جو آئے عزّت آئی بخشش آئی غیرت آئی
نور بھی آیا رحمت آئی دل تھے پہلے خالی خالی
سارے گلشن آپﷺ سے مہکے سارے عالم آپﷺ سے چمکے
مظلوموں نے آپﷺ سے پایا آپﷺ سبھی کے وَالی وَالی
ایک نبی کا گنبد ہی ہے جس سے سَبْ پُرْ نور ہوا ہے
اس گنبد کے سائے میں ہے ہر ہر گنبد جالی جالی
باغ کے ہر غنچے میں کلی میں حسنِ نبیﷺ کے جلوے ہیں
وصفْ نبیﷺ میں گُم ہے گلشن پودا پودا بالی بالی
غور سے حافؔظ تو بھی سُن لے گونج جہاں میں کس کی ہے
ذکر خدا ہے ذکر نبیﷺ ہے پتّی پتّی ڈالی ڈالی
(۲۳ رجب المرجب ۱۴۳۹؁ھ/ ۱۰ اپریل ۲۰۱۸؁ء نزیل موریشس